Youtubeskolak lehiaketaren irabazleak
Amaitu da dagoeneko Youtubeskolak lehiaketa, eta epaimahaiak irabazleak iragarri ditu. Epaimahaia Youtubeskolak tailerrak zuzendu dituzten Ane Atxutegik eta Ibai Zarketak eta Azkue Fundazioko lantaldeak osatu dute. Parte hartzaileen bideoetan honako bi elementu hauek azaldu behar ziren: objektu bat, “kartoizko kutxa”, eta esaldi hau, “gustatzen zaidalako egiten dut”.
Sarituen harira, 15 – 16 urte artekoen kategoriako sari nagusia, IPhone 8 telefonoa, Arrasateko Oihan Loiti Iraolak jaso du. Ikusi bere lana:
Bestalde, Youtuber Bizkaitar Onenaren saria, Go Pro Hero 7 Black kamera, Bilboko Aroa Salor Bengoak irabazi du. Jarraian bere bideoa ikus dezakezue.
13 – 14 urte arteko kategoriaren kasuan, guztira sei bideo aurkeztu dira kategoria horretan eta epaimahaiak sari bakarra eman beharrean sei sari ematea erabaki du. “Aurkeztutako lanen artean bakar bat aukeratzea oso zaila egin zaigulako”. Hori dela eta, parte hartzaile guztiei sari bana egitea erabaki du antolakuntzak: bozgorailu eramangarri bana.
Antolatzaileek eskerrak eman nahi dizkie ekimenean parte hatu duten gazteei, nola lehiaketan, hala Zallan, Durangon, Basaurin, Amorebieta-Etxanon eta Derion burututako tailerretan.
LEHIAKETA!
Youtube bidezko lehiaketa, euskaraz.
Parte-hartzaileek gai baten inguruko bideo bat egingo dute, euskaraz, gehienez minutu ta erdiko iraupena. Gaia objektu eta esaldi batekin osatuko da;
Objektua: Kartoizko kutxa bat
Esaldia: Gustatzen zaidalako egiten dut
Euskal Herriko 13 eta 16 urte bitarteko gazteek parte hartu ahalko dute lehiaketan; hain zuzen, 2003, 2004, 2005 eta 2006 urteetan jaiotakoek.
Partehartzaileek haien Youtube kanaletan argitaratu beharko dituzte bideoak, publikoan, gero lehiaketara aurkezteko. Horretarako bete formularioa.
Euskara
- Bideoak aurkezteko epea urriaren 28tik azaroaren 24ra bitartean izango da. Izen-ematea youtubeskolak.eus webgunearen bitartez egingo da. Bertan, inskripzio-fitxa bat izango dago, eta partehartzaileek bideoaren esteka bidali beharko dute datu pertsonalekin batera. Nahi beste lan aurkez daitezke, bakarka edo taldean.
Bideoak Azkue Fundazioaren lantaldeak aztertuko ditu. Ez dira onartuko eduki iraingarriak biltzen dituzten lanak: giza eskubideen urraketa, bortizkeria, irainak, arrazakeria, sexismoa edota errespetu faltak. Hortaz, behin izen-ematea burututa, partehartzaileek antolatzaileen onespena jaso beharko dute partaidetza baieztatzeko.
Sariak hauexek izango dira: 13-14 urte bitartekoentzako Sari Nagusia eta 15-16 urte bitartekoentzako Sari Nagusia. Hirugarren sari bat ere izango da, Youtuber Bizkaitarraren Bideorik Onena. Bi irabazleek Iphone 7 Plus bana jasoko dute, eta Youtuber Bizkaitar onenak, berriz, kamera bat, GoPro Hero 7 Black.
Ane Atxutegik eta Ibai Zarketa Youtuben adituek eta Azkue Fundazioko lantaldeak osatuko dute.
Jai batean iragarriko dira eta sari-banaketa ere bertan egingo da. Festa hori azaroaren 30ean egingo da, Bilbon dagoen Euskararen Etxean.
Onartutako bideoen egileek AZKUE FUNDAZIOAri baimena ematen diote bideoak zabaldu eta partekatzeko, ekimenaren eta Azkue Fundazioaren euskarri digitaletan.
EMAN IZENA
